اسلام آباد (آن لائن) حکومت اور شمسی توانائی پر مشتمل آئی آئی پیز میں معاہدہ طے پا گیا۔ فریقین نے ٹیرف کم کرنے پر آمادگی ظاہر کر دی وفاقی کابینہ کی جانب سے منظوری کے بعددونوں کے درمیان معاہدے کی تقریب جلد منعقد کی جائے گی۔پاور سیکٹر کے حوالے سے بڑی خوشخبری ہے کہ حکومت اور آئی آئی پیز کے درمیان معاہدے طے پاگیا ہے۔ذرائع کے مطابق حکومتی مذاکراتی ٹیم اور شمسی توانائی پر مشتمل آئی پی پیز نے ٹیرف کم کرنے پر آمادگی ظاہر کردی ہے، معاہدے پرباضابطہ دستخط وفاقی کابینہ کی منظوری کے بعد ہونگے۔ذرائع کا کہنا ہے کہ

وفاقی کابینہ سے منظوری کے بعد حکومتی افسران اور آئی پی پیز معاہدے پرباضابطہ دستخط کرینگے، معاہدے کی رو سے ہر آئی پی پی کا اپنا اپنا بورڈ بھی معاہدے کی منظوری دے گا، معاہدے سے ٹیرف اور آئندہ سالوں میں سرکولر ڈیٹ میں کمی آئے گی۔ دوسری جانب وزیراعظم عمران خان نے وفاقی کابینہ کا اجلاس 12 جنوری بروز منگل طلب کرلیا۔کابینہ اجلاس کا 15 نکاتی ایجنڈا جاری کردیا گیا۔ ایجنڈا کے مطابق اقتصادی امور ڈویژن غیرملکی فنڈز کی تفصیلات پیش کرے گی۔لیگل ایڈ اینڈ جسٹس اتھارٹی کے ڈی جی کی تعیناتی کی منظوری دی جائے گی۔نوشہرہ میں ریلوے اراضی پر کثیرالمنزلہ عمارت کی تعمیر کی منظوری متوقع ہے جبکہ پاکستان کونسل آف سائنس کے بورڈ آف گورنرز کی منظوری،کابینہ کمیٹی برائے ادارہ جاتی اصلاحات کے فیصلوں کی منظوری بھی ایجنڈے کا حصہ ہے۔ای سی سی اور کابینہ کمیٹی برائے نجکاری کے فیصلوں کی منظوری دی جائے گی۔ وفاقی کابینہ کے 4 اپریل 1997 کے فیصلے پر دوبارہ غور ہوگا۔کابینہ ایف آئی اے کمرشل بینکنگ سرکل لاہور کے پولیس سٹیشن کی منظوری دے گی۔کابینہ نیشنل کونسل فار طب کے انتخابات اور ایڈمنسٹریٹر کی منظوری دے گی۔ہائیڈروکاربن انسٹیٹیوٹ کے ڈی جی کی پوسٹ کے لیے اضافی چارج کی منظوری دی جائے گی۔پاکستان کونسل فار سائنس اینڈ ٹیکنالوجی کے بورڈ آف گورنرز کی تعیناتی بھی ایجنڈے میں شامل ہے۔ کابینہ کمیٹی برائے ادارہ جاتی اصلاحات کے فیصلوں کی توثیق بھی ہوگی۔


Notice: Undefined variable: aria_req in /home/mymetrom/public_html/wp-content/themes/pinblog-urdu/comments.php on line 83

Notice: Undefined variable: aria_req in /home/mymetrom/public_html/wp-content/themes/pinblog-urdu/comments.php on line 89

اپنا تبصرہ بھیجیں